អំពីសៀវភៅ

Seeking Justice Khmer​v3

សព្វថ្ងៃនេះ​វា​មាន​ការ​លំបាក​ខ្លាំង​ណាស់​សម្រាប់​ការងារ​អ្នក​ការពារ​សិទិ្ធ​មនុស្ស​នៅ​កម្ពុជា។

ស្វែង​រក​យុត្តិធម៌​នៅ​កម្ពុជា ​រៀបរាប់​អំពី​រឿង​រ៉ាវ​ដ៏​មាន​ឥទ្ធិពល​របស់ស្ថាបនិក​ដំបូង​នៃ​អង្គការ​សិទ្ធិ​មនុស្ស​កម្ពុជា​និង​មេដឹកនាំ​ជំនាន់​ក្រោយ​ដែល​ពួក​គេ​ទាំងអស់​គ្នា​បាន​តស៊ូ​ដោយ​មិន​ខ្លាច​នឿយ​ហត់​និង​ដោយ​មាន​ការ​ជឿ​ជាក់​​ខ្ពស់​ដើម្បី​ទទួល​បាន​នូវយុត្តិធម៌​និង​សិទ្ធិ​មនុស្ស​សម្រាប់​ប្រជាជន​កម្ពុជា​ទាំង​អស់​។

លោកស្រី​ ស៊ូ ខូហ្វហ្វី បាន​សម្រេច​ចិត្ត​ចង​ក្រង​សៀវភៅ​នេះ​បន្ទាប់​ពី​គាត់​បាន​ចំណាយ​ពេល​ធ្វើការ​នៅ​ប្រទេស​កម្ពុជា​ក្នុង​នាម​ជា​អ្នក​ធ្វើការ​ស្ម័គ្រ​ចិត្ត​រដ្ឋាភិបាល​អូស្ត្រាលី​។​ គាត់​មាន​ការ​ភ្ញាក់​ផ្អើល​យ៉ាង​ខ្លាំង​ចំពោះ​អ្វី​ដែល​គាត់​បាន​ឃើញ​នៅ​ពេល​នោះ​គឺ​កង្វះ​តម្លាភាព​ក្នុង​ការ​ដោះ​ស្រាយ​បញ្ហា​របស់​រដ្ឋាភិបាល​ ការ​បំផ្លាញ​ព្រៃឈើ​ដ៏​រាលដាន​ ប្រជាជន​ត្រូវ​បាន​បណ្តេញ​ចេញ​ពី​ដី​របស់​ពួក​គេ​សម្រាប់​គម្រោង​សាង​សង់​ទំនប់​វារី​អគ្គិសនី​ សេរីភាព​នៃ​ការ​បញ្ចេញ​មតិ​និង​សកម្មភាព​រង​ការ​គំរាម​កំហែង​ដោយ​ចំហ​។​

គាត់​មាន​អារម្មណ៍​ថា​ប្រសិន​បើ​រឿង​រ៉ាវ​របស់​បុគ្គល​សំខាន់​ៗ​ទាំង​នេះ​មិន​ត្រូវ​បាន​កត់ត្រា​ទុក​ទេ​, នោះ​មនុស្ស​ជំនាន់​ក្រោយ​នឹង​មិន​បាន​ដឹងឡើយ​។​ ប៉ុន្តែ​រឿង​នេះ​មិន​មែន​គ្រាន់​តែ​ជា​រឿង​របស់​ប្រជាជន​ខ្មែរ​ប៉ុណ្ណោះ​ឡើយ​។​ មេរៀន​ទាំង​នេះ​ក៏​អាច​អនុវត្ត​ចំពោះ​ប្រទេស​ជា​ច្រើន​ទៀត​ដែល​កំពុង​តស៊ូ​ដើម្បី​ទទួល​បាន​សិទ្ធិ​មនុស្ស​។​

ស្វែង​រក​យុត្តិធម៌​នៅ​កម្ពុជារៀបរាប់​អំពី​រឿងរ៉ាវ​ដ៏​មាន​ឥទ្ធិពល​នៃ​ការ​តស៊ូ​ដើម្បី​នាំ​យក​សិទ្ធិ​មនុស្ស​ជូន​ប្រជាជន​កម្ពុជា​ទាំងអស់​តាំង​ពី​ដើម​ទសវត្សរ៍​ 1990 រហូត​ដល់​បច្ចុប្បន្ន​នេះ​។


អំពីអ្នកជួយវិភាគទាន

Gareth Evans headshot

ឯកឧត្តមសាស្រ្តាចារ្យ ហ្គារ៉េត អេវ៉ានស៍

អធិការបតី, សាកលវិទ្យាល័យជាតិអូស្ត្រាលី

អតីតរដ្ឋមន្រ្តីការបរទេសអូស្ត្រាលី

ឯកឧត្តម ហ្គារ៉េត អេវ៉ានស៍ គឺជាកម្លាំងដ៏សំខាន់នៅក្នុងជីវិតនយោបាយ​អូស្រ្តាលីនិងនៅក្នុងកិច្ចការអន្តរជាតិអស់រយៈពេលជាច្រើនទសវត្សរ៍មកហើយ។ ក្នុងអំឡុងពេល 21 ឆ្នាំនៃនយោបាយអូស្រ្តាលីឯកឧត្តមគឺជារដ្ឋមន្រ្តីខុទ្ទកាល័យរដ្ឋបាលរបស់លោក ហ័គ (Hawke) និង លោក ខីធីង (Keating) ដោយកាន់កាប់តំណែងជាច្រើនជារដ្ឋមន្ត្រីរួមមានរដ្ឋមន្រ្តីការបរទេស។ ពីឆ្នាំ 2000 ដល់ឆ្នាំ 2009 គាត់គឺជាប្រធាននិងអគ្គនាយកអង្គការក្រុមដោះស្រាយ​វិបត្តិអន្តរជាតិ (International Crisis Group) ដែលមានមូលដ្ឋាននៅទីក្រុងព្រុចសែល។ ឯកឧត្តមបានដើរតួនាទីយ៉ាងសំខាន់ក្នុងការបង្កើតកិច្ចព្រមព្រៀងសន្តិភាពទីក្រុងប៉ារីសនៅឆ្នាំ 1991 ដែលបានបង្កើតក្របខ័ណ្ឌសម្រាប់យុគសម័យថ្មីសម្រាប់ប្រទេសកម្ពុជាដែលហែកហួរដោយសង្រ្គាមនិងជាអ្នកគាំទ្រដោយឥតងាករេចំពោះការអភិវឌ្ឍសន្តិភាពនិងលទ្ធិប្រជាធិបតេយ្យសម្រាប់ប្រទេសកម្ពុជា។


Benny Widyono

លោក ប៊ែន្នី វីដ្យូណូ គឺជាសមាជិកថ្នាក់ដឹកនាំនៃអាជ្ញាធរបណ្តោះអាសន្នអង្គការសហប្រជាជាតិនៅកម្ពុជា (អ៊ុនតាក់) 1990-93 និងតំណាងពិសេសរបស់អង្គការសហប្រជាជាតិនៅកម្ពុជាឆ្នាំ 1994-97

គាត់គឺជាមេដឹកនាំម្នាក់របស់អ៊ុនតាក់ហើយក្រោយមកបានក្លាយជាតំណាងពិសេសរបស់អគ្គលេខាធិការអង្គការសហប្រជាជាតិ។ គាត់បានបន្តអាជីពដ៏ល្បីល្បាញរបស់គាត់ជាមួយអង្គការសហប្រជាជាតិដែលបានចាប់ផ្តើមនៅឆ្នាំ 1963 និងបានសរសេរសៀវភៅមួយដែលមានចំណងជើងថា ការរាំនៅក្នុងស្រមោល, អំពីសម័យអ៊ុនតាក់នៅកម្ពុជា។

 

 


Thun Saray 1

លោក ធន សារាយ, ស្ថាបនិកនិងជាប្រធានសមាគមការពារសិទ្ធិមនុស្សនិង​អភិវឌ្ឍន៍នៅកម្ពុជា (អាដហុក) ដែលគាត់បានបង្កើតឡើងក្នុងឆ្នាំ 1991, សមាគមអាដហុកគឺជា​អង្គការ​សិទ្ធិ​មនុស្ស ដំបូង​គេដែលត្រូវបានបង្កើតឡើងនៅក្នុងប្រទេសកម្ពុជា។ គាត់បានតស៊ូ​ដោយ​មិនខ្លាចនឿយ​ហត់​អស់រយៈពេលជាង25ឆ្នាំដើម្បីសម្រេចបាននូវសិទ្ធិមនុស្ស​សម្រាប់​ប្រជាជន​​កម្ពុជា​ហើយ​លោកនៅ​បន្តការងារនេះរហូតដល់សព្វថ្ងៃ។

 

 

 


 

Chiev Kek Pung

លោកស្រី ពុង ឈីវកេក [វេជ្ជបណ្ឌិត កេក ហ្គាឡាប្រ៊ូ (KEK Galabru)] គឺជាស្ថាបនិកនិងជាប្រធាននៃសម្ព័ន្ធខ្មែរជំរឿននិងការពារសិទិ្ធមនុស្ស (លីកាដូ) ​ដែល​លោកស្រីបាន​បង្កើត​ឡើងជាលើកដំបូងនៅទីក្រុងប៉ារីសក្នុងឆ្នាំ1991 បន្ទាប់មកនៅកម្ពុជា​ក្នុងឆ្នាំ 1991។ លោកស្រីត្រូវបានគេតែងតាំងសម្រាប់រង្វាន់ណូបែលសន្តិភាពសម្រាប់ការងាររបស់គាត់។ នៅឆ្នាំ 2016 លោកស្រីបានទទួលពានរង្វាន់ កងពលកិត្តិយសលំដាប់ជាតិ (National Order of the Legion of Honour) ដែលបានប្រគល់ជូនដោយអតីតប្រធានាធិបតីនៃសាធារណរដ្ឋបារាំង លោក ហ្វ្រង់ស័រស៍ ហូល្លង់ដ៍។

 

 


Koul Panha

លោក គល់ បញ្ញា ជានាយកប្រតិបត្តិនៃគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា [ខុមហ្វ្រែល​ (COMFREL)] ជាតួនាទីដែលគាត់បានកាន់កាប់តាំងពីឆ្នាំ 1998 មក គាត់បានធ្វើការដោយមិនខ្លាចនឿយហត់ដើម្បីព្យាយាមធ្វើឱ្យការបោះឆ្នោតនៅកម្ពុជាមានលក្ខណៈសេរីនិងយុត្តិធម៌។ លោកបានទទួលពានរង្វាន់ រ៉ូម៉ាន ម៉ាក់សៃសៃ (Ramon Magsaysay Award) ដែលបានទទួលស្គាល់ការងាររបស់គាត់ក្នុងការកសាងសកម្មភាពពលរដ្ឋក្នុងការបោះឆ្នោតនិងអភិបាលកិច្ចតាមបែបប្រជាធិបតេយ្យនៅកម្ពុជា។

 

 


Chhith Sam AthJPG

លោក ឈិត សំអាត ជានាយកប្រតិបត្តិអង្គការមូលនិធិហាការអន្តរជាតិ និងជាអតីតនាយក​​ប្រតិបត្តិអង្គការវេទិកានៃអង្គការមិនមែនរដ្ឋាភិបាលស្តីពីកម្ពុជា

លោក ឈិត សំអាតគឺជាសមាជិកម្នាក់ក្នុងចំណោមសមាជិកស្ថាបនិកដំបូងនៃសមាគមការពារ​សិទ្ធិ​មនុស្ស​និងអភិវឌ្ឍន៍នៅកម្ពុជា (អាដហុក) នៅឆ្នាំ 1991។ លោកមានអាជីព​ដ៍យូរអង្វែង​និង​ចំណានខាង​សិទ្ធិមនុស្សសម្រាប់ប្រជាជនកម្ពុជា​រួមទាំងជានាយកប្រតិ​បត្តិ​​ជន​ជាតិ​ខ្មែរដំបូង​គេ​របស់វេទិកានៃអង្គការមិនមែនរដ្ឋាភិបាលស្តីពីកម្ពុជា និងជានាយកប្រតិបត្តិ​អង្គការមូល​និធិ​ពិភពលោកសម្រាប់ធនធានធម្មជាតិ (WWF)។

 


Thida Khus

លោកស្រី ធីតា ឃឹះ, ស្ថាបនិកនិងនាយកាប្រតិបត្តិនៃអង្គការ​  សីលការ

លោកស្រី ធីតា ឃឹះ គឺជាស្ថាបនិកនិងនាយកាប្រតិបត្តិនៃអង្គការសីលការដែលជាអង្គការកសាងសមត្ថភាពឈានមុខមួយនៅក្នុងប្រទេសកម្ពុជា។ លោកស្រីទទួលបានពានរង្វាន់ជាច្រើនសម្រាប់​ការងាររបស់លោកស្រី និងជាអគ្គលេខាធិការគណៈកម្មាធិការលើកកម្ពស់ស្ត្រីក្នុងវិស័យនយោបាយនិងជាប្រធាននៃវេទិកាប្រជាជនអាស៊ានប្រចាំកម្ពុជា។ លោកស្រីប្តេជ្ញាចិត្តខ្ពស់ក្នុងការលើកកម្ពស់ស្ត្រីនៅក្នុងជីវិតនយោបាយនិង​សហគមន៍។

 

 

 


IMG_0557ឯកឧត្តម កឹម សុខា, ប្រធានគណបក្សសង្គ្រោះជាតិ​​ 

ឯកឧត្តម កឹម សុខា គឺជាមេដឹកនាំគណបក្សប្រឆាំងធំជាងគេបំផុតនៅកម្ពុជាគឺគណបក្សសង្គ្រោះ ជាតិ។​ គាត់បានដើរតួនាទីយ៉ាងសំខាន់ក្នុងការបញ្ចូលគោលការណ៍សិទ្ធិមនុស្សនៅក្នុងរដ្ឋធម្មនុញ្ញថ្មីរបស់ព្រះរាជាណាចក្រកម្ពុជានៅដើមទសវត្សរ៍ឆ្នាំ1990, លោកបានបង្កើតមជ្ឈមណ្ឌលសិទ្ធិមនុស្សកម្ពុជានៅឆ្នាំ 2006។ គាត់បានដឹកនាំគណបក្សសង្គ្រោះជាតិចាប់តាំងពីខែមីនាឆ្នាំ 2017 ប៉ុន្តែលោក​ត្រូវបានចាប់ខ្លួននិងចោទប្រកាន់ទោសពីបទក្បត់ជាតិនៅខែកញ្ញា ឆ្នាំ 2017។

 


Keo RemyJPG

ឯកឧត្តម កែវ រ៉េមី, មន្រ្តីរដ្ឋាភិបាលទទួលបន្ទុកផ្នែកសិទ្ធិមនុស្ស

ឯកឧត្តម កែវ រ៉េមី គឺជាសមាជិកម្នាក់នៃគណបក្សប្រជាជនកម្ពុជាដែលជាគណបក្សកាន់អំណាចហើយលោកធ្លាប់ជាសមាជិករដ្ឋ សភាប្រចាំមណ្ឌលរាជធានីភ្នំពេញរយៈពេលពីរអាណត្តិ។ លោកបានកាន់តួនាទីជាអ្នកនយោបាយតាំងពីឆ្នាំ1998 មក ហើយគាត់មានចំណាប់អារម្មណ៍យ៉ាងខ្លាំងលើបញ្ហាសិទ្ធិមនុស្ស និងបច្ចុប្បន្នគាត់ជាប្រធានគណៈកម្មាធិការសិទ្ធិមនុស្សរបស់រដ្ឋាភិបាល។

 

 


Screen Shot 2017-12-14 at 12.47.24 pm

លោក អ៊ូ វីរៈ, ស្ថាបនិកនិងនាយកប្រតិបត្តិនៃវេទិកាអនាគត

លោក អ៊ូ វីរៈ គឺជាស្ថាបនិកនិងនាយកប្រតិបត្តិនៃវេទិកាអនាគតដែលជាធនាគារគំនិតឯករាជ្យមួយដោយបង្កើតគំនិតថ្មីៗសម្រាប់អនាគតរបស់ប្រទេសកម្ពុជាដែលបានបង្កើតឡើងនៅឆ្នាំ 2015។ លោកគឺជាអតីតប្រធាននិងនាយកប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា ហើយលោកមានអាជីពជាអ្នកតស៊ូដ៏ស្វិតស្វាញដើម្បីសិទ្ធិមនុស្សនៅកម្ពុជា។

 

 

 


 

Venreable Van Loun Savath

ព្រះតេជគុណ លួន សុវ៉ាត, ព្រះសង្ឃនិងសកម្មជនសិទ្ធិមនុស្ស

ព្រះតេជគុណ លួន សូវ៉ាត គឺជាព្រះសង្ឃនិងសកម្មជនសិទ្ធិមនុស្សនៅកម្ពុជា។ ព្រះតេជគុណបានក្លាយជាសម្លេងតែមួយគត់នៅក្នុងព្រះពុទ្ធសាសនានៅកម្ពុជាដែលផ្តល់ការគាំទ្រដល់ប្រជាជនដែលត្រូវគេបណ្តេញចេញពីលំនៅដ្ឋាននិងដីធ្លីរបស់ពួកគេដោយ​បង្ខំ។  ព្រះអង្គបានរួមចំណែកយ៉ាងសំខាន់ក្នុងការបង្កើនការយល់ដឹងអំពីស្ថានភាពរបស់ប្រជាជនដែលត្រូវបានគេរឹបអូសនិងបណ្តេញចេញ ពីដីធ្លីរបស់ពួកគេនៅក្នុងប្រទេសកម្ពុជា។

 

 


Mam Sonando

លោក ម៉ម សូណង់ដូ, ស្ថាបនិកនិងអ្នកផ្សាយវិទ្យុសំបុកឃ្មុំ

លោក ម៉ម សូណង់ដូ គឺជាអ្នកផ្សាយវិទ្យុឯករាជ្យដ៏ល្បីល្បាញនិងមានការគោរពម្នាក់នៅកម្ពុជា។ គាត់មានចំណាប់អារម្មណ៍ខ្លាំងលើបញ្ហាសិទ្ធិមនុស្សហើយគាត់ត្រូវបានគេដាក់គុកបីដងដោយ​សារតែទស្សនៈរបស់ខ្លួនចំពោះរដ្ឋាភិបាល ហ៊ុន សែន, ក្នុងឱកាសចុងក្រោយគាត់ត្រូវបានគេផ្តន្ទាទោសឱ្យជាប់គុក 20 ឆ្នាំ គឺនៅឆ្នាំ 2012, មុនពេលគាត់ត្រូវបានដោះលែងដោយសារតែសម្ពាធពីអន្តរជាតិ។ គាត់បានបង្កើតនិងដំណើរការវិទ្យុសំបុកឃ្មុំដែលជាវិទ្យុ​មួយក្នុងចំណោមវិទ្យុដែល​មាន​អ្នកស្តាប់ច្រើនបំផុតនៅកម្ពុជា។

 


 

 

Chak Sopheap

លោកស្រី ចក់ សុភាព, នាយកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា

លោកស្រី ចក់ សុភាព គឺជានាយកាប្រតិបត្តិនៃមជ្ឈមណ្ឌលសិទ្ធិមនុស្សកម្ពុជាដែលជាអង្គការសិទ្ធិមនុស្សឈានមុខគេមួយនៅក្នុងប្រទេសកម្ពុជា។ លោកស្រីបានកាន់តួនាទីនេះតាំងពីឆ្នាំ 2014 នៅពេលនោះគាត់មានអាយុម្ភៃប្រាំបួនឆ្នាំ ហើយជាមនុស្សសំខាន់ម្នាក់ក្នុងចំណោមមេដឹកនាំអង្គការសិទ្ធិមនុស្សជំនាន់ថ្មី។ ការងាររបស់គាត់ត្រូវបានទទួលស្គាល់ដោយអតីតប្រធានាធិបតីអាមេរិកលោក បារ៉ាក អូបាម៉ា។

 

 

 


Am Sam Athលោក អំ សំអាត, ប្រធានផ្នែកតាមដាននៃអង្គការសម្ព័ន្ធខ្មែរជំរឿននិងការពារសិទិ្ធមនុស្ស (លីកាដូ)

លោក អំ សំអាត គឺជាប្រធានផ្នែកតាមដាននៃអង្គការលីកាដូ ដែល​អនុវត្តសកម្មភាពគាំទ្រសិទ្ធិមនុស្សជាច្រើននៅក្នុងសហគមន៍។ គាត់ចូលរួមក្នុងការតវ៉ាទាក់ទងបញ្ហាដីធ្លីហើយធ្វើការដើម្បីការពារសុខភាពនិងសុខុមាលភាពរបស់ប្រជាជនដែលត្រូវបានបណ្តេញចេញពីដីរបស់ពួកគេទាំងនៅក្នុងរាជធានីភ្នំពេញនិងតាមបណ្តាខេត្តនានា។ គាត់ក៏ចូលរួមផងដែរនៅក្នុងកម្មវិធីដើម្បីគាំទ្រដល់​ជន​រងគ្រោះពីការធ្វើទារុណកម្មនិងជនរងគ្រោះផ្នែកបញ្ហាសុខភាពនិងសង្គម។

 


Mark Chann SithaJPGលោកស្រី ម៉ាក ចន្ទស៊ីថា, អ្នកសម្របសម្រួលសមាគមមណ្ឌលព័ត៌មានកម្មករ

បច្ចុប្បន្នលោកស្រី ម៉ាក ចន្ទស៊ីថាគឺជាអ្នកសម្របសម្រួលសមាគមមណ្ឌលព័ត៌មានកម្មករដែលតស៊ូមតិឱ្យ​មាន​ការកែលម្អលក្ខខណ្ឌការងារសម្រាប់កម្មកររោងចក្រកាត់ដេរដែលជាឧស្សាហកម្មនាំចេញដ៏សំខាន់របស់កម្ពុជា។ លោកស្រីក៏ធ្លាប់កាន់តួនាទីក្នុងការកសាងសន្តិភាពនិងបម្រើការនៅក្នុងប្រទេសមីយ៉ាន់ម៉ាឱ្យមជ្ឈមណ្ឌលសិក្សាសន្តិភាពនិងទំនាស់។ គាត់ប្តេជ្ញាចិត្តធ្វើឱ្យប្រសើរឡើងនូវតូនាទីរបស់ស្រ្តីនៅក្នុងប្រទេសកម្ពុជា។

 


 

43005095_2241580582581168_373312999680638976_n

អ្នកស្រី ទេព វន្នី, ប្រជាជនដែលត្រូវបានគេបណ្តេញចេញពីដីធ្លីនៅតំបន់បឹងកក់

ជំពូកនេះរួមបញ្ចូលទាំងបទសម្ភាសន៍ដែលខ្ញុំបានធ្វើជាមួយអ្នកស្រី ទេព វន្នី នៅពេលគាត់នៅជាអ្នកទោសនៅពន្ធនាគារព្រៃសក្នុងរាជធានីភ្នំពេញ។ ករណីរបស់គាត់ត្រូវបានអន្តរជាតិដឹងឮ។    សហគមន៍​របស់គាត់ដែលស្តិតនៅក្នុងក្រុងភ្នំពេញត្រូវបានគេចេញសេចក្តីជូនដំណឹងបណ្តេញចេញនៅពេលដែលដីរបស់ពួកគេត្រូវបានប្រគល់ដោយរដ្ឋាភិបាលទៅឱ្យក្រុមហ៊ុនអភិវឌ្ឍន៍ឯកជនមួយនៅឆ្នាំ 2007។ គ្មានស្ត្រីណាម្នាក់នៅក្នុងប្រទេសកម្ពុជាត្រូវបានចាប់ខ្លួននិងជាប់គុកញឹកញាប់ជាងអ្នកស្រី ទេព វន្នី ឡើយ។ នៅឆ្នាំ 2016 គាត់ត្រូវបានកាត់ទោសឱ្យជាប់គុក30 ខែ ហើយ​គាត់បានរងការឈឺចាប់យ៉ាងខ្លាំងពីសំណាក់អាជ្ញាធរកម្ពុជា។ នៅទីបំផុតគាត់ត្រូវបានដោះលែងបន្ទាប់ពីការបោះឆ្នោតទូទៅខែកក្កដា ឆ្នាំ2018។

 


Rhona Smith

លោកស្រីបណ្ឌិត រ៉ូណា ស្មីត, អ្នករាយការណ៍ពិសេសរបស់អង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជា

អស់រយៈពេលជាង 20 ឆ្នាំ, បណ្ឌិត រ៉ូណា ស្មីត បាន​ផ្តោតលើការងារស្រាវជ្រាវ ការបង្រៀន និងការកសាងសមត្ថភាពលើសិទ្ធិមនុស្ស។ បច្ចុប្បន្នលោកស្រីគឺជាសាស្ត្រាចារ្យផ្នែកសិទ្ធិមនុស្សអន្តរជាតិនៅសាកលវិទ្យាល័យញីវខាសល (Newcastle) នៃចក្រភពអង់គ្លេស។ លោកស្រីធ្លាប់បានធ្វើការនៅកម្ពុជាមុនពេលគាត់ទទួលតួនាទីបច្ចុប្បន្ន ហើយគាត់បានបោះពុម្ពស្នាដៃជាច្រើនអំពីសិទ្ធិមនុស្ស។ អ្នករាយការណ៍ពិសេសមិនទទួលបានប្រាក់ខែពីអង្គការសហប្រជាជាតិឬនរណាម្នាក់សម្រាប់ការងាររបស់ពួកគេឡើយនិងពួកគេមានឯករាជ្យភាពទាំងស្រុង។

 


អំពីអ្នកនិពន្ធ

លោកស្រី ស៊ូ ខូហ្វហ្វី

Sue Coffey

លោកស្រី ស៊ូ ខូ​ហ្វ​ហ្វី គឺជា​អ្នកនិពន្ធ​និង​អ្នកឯកទេស​ខាង​ទំនាក់ទំនង​ដែល​បាន​ធ្វើការ​ក្នុង​ស្ថាប័ន​រដ្ឋាភិបាល​និង​ស្ថាប័ន​មិន​ស្វែងរក​ប្រា​ក់​ចំ​នេញ។ លោកស្រី​មាន​ចំណាប់​អារម្មណ៍​យ៉ាង​ខ្លាំង​និង​បទពិសោធន៍​នៅ​ក្នុង​បញ្ហា​សិ​ទិ្ធ​មនុស្ស​ដោយ​បាន​ធ្វើការ​ផ្នែក​ទំនាក់ទំនង​ក្នុង វិស័យ​នេះ​ទាំង​នៅក្នុង​ប្រទេស​អូស្រ្តាលី​និង​បរទេស។ ពីឆ្នាំ 2012 ដល់ 2013 លោកស្រី​បាន​ធ្វើការ​នៅ​ប្រទេស​កម្ពុជា​សម្រាប់​កម្មវិធី​ជំនួយ​ក្រៅប្រទេស​របស់​រដ្ឋាភិបាល​អូស្រ្តាលី​ដែល​ជាទី​ប្រឹក្សា​ផ្នែក​ទំនាក់ទំនង​នៃ​វេទិកា​នៃ​អង្គការ​ក្រៅ​រដ្ឋាភិបាល​ស្តី​ពី​កម្ពុជា​ដែល​ជា​អង្គការ​កំពូល​មួយ​នៅ​រាជធានី​ភ្នំពេញ​ធ្វើការ​ដើម្បី​សិទ្ធិមនុស្ស​សម្រាប់​ប្រជាជន​កម្ពុជា​ទាំងអស់។ បន្ទាប់មក​លោកស្រី​បាន​ផ្លាស់ទៅ​ប្រទេស​មីយ៉ាន់ម៉ា​ដោយ​បាន​ធ្វើជា​ទីប្រឹក្សា​ផ្នែក​ទំនាក់ទំនង ជាមួយ​កម្មវិធី​កំណែទម្រង់​ការអប់រំ​របស់​រដ្ឋាភិបាល​មីយ៉ាន់ម៉ា​រហូតដល់​ឆ្នាំ 2015។ តួនាទី​ទាំងអស់​ដែល​លោកស្រី​បាន​ធ្វើការ​បាន​បង្រៀន​គាត់​ពីសា​រៈសំ​ខាន់​នៃ​ការ​ធ្វើការ​ឆ្ពោះទៅ​រក​ពិភពលោក​ដែល​មាន​យុត្តិធម៌​និង​សមធម៌​ដែល​មនុស្ស​ទាំងអស់​អាច​មាន​សិទ្ធិមនុស្ស​និង​ការចែក ចាយ​ធនធាន​ប្រកបដោយ​យុត្តិធម៌។